Fear óg míchiallmhar is ea Conchúr atá tar éis ligean don chearrbhachas an lámh in uachtar a fháil air. Tá sé báite i bhfiacha – lena mhuintir, lena chairde agus anois le coirpeach gránna. Níl pingin rua ag Conchúr leis an gcoirpeach a íoc, mar sin caithfidh sé gar a dhéanamh dó chun na fiacha a ghlanadh. Agus mura ndéanann sé an gar sin is léir nach go caoin ceansa a chaithfear leis ach a mhalairt ar fad!
