Belçikalı Amelie Notombun qəhrəmanı Yaponiyada anadan olmuşdu. Onun üçün Yaponiya ən cazibədar ölkələrdən biridir. İşlə əlaqədər o, "Vətəninə" gəlib çıxır və görür ki, burada hər şey düşündüyü kimi deyil... Yaponiyanı sevənlər və bir cəsarətli qadının həkayətini bilmək üçün bu kitabı oxuyun.
Bu kitab müasir dünyanın ən böyük problemlərini qaldırır - insan alveri, narkomaniya. Ucqar kəndindən başqa heç yerdə olmayan qız Londona köçür. Bəs burada onun qarşısına kimlər çıxacaq? Narkotik satanlar, sado-mazoxism, gizli çəkilən video biznesi, başında hicab Londona gələn Dərdanın öz həmvətənlərindən qaçıb qurtularaq, porno-ulduza çevrilməsi, daha nələr nələr…
Bu da İran qadının hekayətidir... Ailəsi yeniyetmə Məsuməni üzünü görmədiyi oğlana ərə verirlər. Məsumə özü üçün başqa həyat istəyir. O, başqasını sevir. Ali təhsil almaq istəyir. Məsumə seçim edə biləcəkmi? Qismət və pay nədir?
Varis Dirie - dünyaca məşhur əsli afrikalı modeldir. Bu kitabda o, öz başına gələnləri danışır. Allahın sevib yaratdığı insana əta etdiyi gözəlliklərdən necə məhrum edilməsi, həyat eşqinin hələ körpə qızcığazkən balaca köksündə boğulması, dünyəvi həzlərə həsrət qoyulması barədə olduqca qəmli bir hekayətdir.
Kimya Xatun - Şəms Təbrizini ilahi eşqlə sevən qısa, ancaq gözəl sevgi hekayətidir. Bu roman üç qəlb - Rumi, Şamsi və Kimyanın inanılmaz macəralarıdır. Sonu qəmli olsa da, oxumağa dəyər.
