Xəz paltolu Madonna

Bir qadının sənə hər şeyini verdiyini zənn etdiyin vaxtda, onun həqiqətdə sənə heç bir şey vermədiyini görmək, bir adamın sənə çox yaxın olduğunu hesab etdiyin vaxtda, onun səndən çox uzaq olduğunu başa düşmək nə qədər acıdır!

Dünyada mənə heç bir şey təbiətən qəmgin bir insanın zorla gülümsəməyə çalışması qədər acı görünməmişdi

Müəyyən şeylərə möhtac olduğumuzu, onları görüb öyrəndikdən sonra kəşf edirik..

Dünyada təkcə bir nəfərə inanmışdım. Həm də o qədər inanmışdım ki, aldandığımı gördükdə, artıq məndə başqasına qarşı inam hissi qalmadı. Ona acığım tutmurdu. Hiss edirdim ki, ondan inciməyə, ona hiddətlənməyə, haqqında pis düşünməyə əsasım yoxdur. Lakin nə edəsən, ürəyim sınmışdı. Həyatda çox arxalandığım adama qarşı hiss etdiyim bu inciklik, küsü bütün insanlara qarşı münasibətimdə də özünü göstərirdi. Çünki o, mənim nəzərimdə bütün insanlığın timsalı idi.

Deməli, insanlar ancaq müəyyən dərəcəyə qədər bir-birlərinə yaxınlaşa bilərlər. Bundan artıq yaxınlaşmaq məqsədilə atılan hər bir addım onları bir-birindən daha da uzaqlaşdırır

Təsadüf səni mənimlə görüşdürməsəydi, yenə də əvvəlki qaydada, lakin hər şeydən xəbərsiz ömür sürüb gedəcəkdim. Dünyada başqa cür bir həyatın mövcud olduğunu, mənim də bir ruha malik olduğumu mənə sən öyrətdin.

Mən bilirdim ki, bəzən adamlar, onları əhatə edən insanlar tərəfindən başa düşülmür, onların haqqında səhv nəticələr çıxarılır. Vaxt keçdikcə bu adamlar öz tənhalıqları ilə fəxr etməyə, bundan kinli-kinli zövq almağa başlayırlar.

İnsanlara yaxınlaşmaq ehtiyacım artdıqca, onlardan uzaq qaç­maq arzum güclənirdi.

Lakin əgər bir adam hər şeyə dözməyə hazırdırsa, kimdən nə gözləmək lazım olduğunu qabaqcadan bilirsə, onu sarsıtmaq, höv­sələdən çıxarmaq olarmı?

adamlardan kənar gəzib-dolaşmaq, başqala­rın­dan üstünlük əlaməti deyil, şikəstlikdir, xəs­tə­likdir.