Teodor Drayzer

O, heç bir zaman bilmirdi ki, adam ancaq ağlına görə deyil, hisslərinə görə də əzəmətli ola bilər.

Ola bilməz ki, kişi yeddi ay ərzində özünə bir iş tapa bilməsin

Kerri boş oturmaqdan yorulmağa başlamışdı.

Etdiyin cinayətin təzyiqi altında yaşamaq, yəqin ki, çox dəhşətlidir.

Heç bir zaman səyahətə çıxmamış adama vətənindən azacıq da olsa fərqlənən hər bir yeni yer çox maraqlı görünür. Məhəbbəti hesaba almasaq, səyahət insana hər şeydən artıq sevinc və təsəlli verir. Nədənsə bütün yeni şeylər bizə çox əhəmiyyətli görünür və əslində yalnız hisslərimizin hadisələri nə dərəcədə qavradığını əks etdirən ağıl, təəssürat axını qarşısında arxaya keçir. Səyahət zamanı sevgilini yaddan çıxarmaq, kədəri dağıtmaq, ölüm kabusunu özündən kənar etmək olar. “Mən səfərə çıxıram” – kimi sadə ifadədə özünə çıxış tapmayan bir aləm hissiyyat gizlənmişdir.

Kerrinin qarşısında yeni və maraqlı bir aləm açılırdı. Sanki həyat onun üçün indi başlanırdı. O özünü heç də məğlub hiss etmirdi, onun ümidləri qırılmamışdı. Böyük şəhər ona nə qədər vədlər verirdi. Bəlkə o, köləlikdən azadlığa çıxacaqdır. Kim bilir, bəlkə o, hələ səadətini tapa biləcəkdi. Bu fikirlər Kerrini qanadlandırırdı. Onun nicatı nikbinliyində idi.

Həyat onun uğrunda mübarizə aparmağa dəyərdi! Adət etdiyi və bağlı olduğu hər şeydən qaçmaq bəlkə də onu xoşbəxtliyə aparırdı. Tufan sovuşmuşdu, səmada artıq göy qurşağı görünürdü...

Əgər o, keçmişlə əlaqəsini bir növ bərpa etməyə nail olsaydı belə, kəsiyin yeri həmişə çapıq qalacaqdı.

, əgər Kerri onu sevsəydi! Yalnız bircə dəfə qucaqlasaydı, Çikaqodakı balaca parkda gördüyü kimi mehriban və şən olsaydı! O nə qədər xoşbəxt olardı! Bu, onun başına gələnlərin mükafatı olardı. O zaman o bilərdi ki, hələ hər şey itirilməmişdir. O zaman o daha heç kimin və heç nəyin dərdini çəkməzdi.

Ah, əgər Kerri onu sevsəydi! Yalnız bircə dəfə qucaqlasaydı, Çikaqodakı balaca parkda gördüyü kimi mehriban və şən olsaydı! O nə qədər xoşbəxt olardı! Bu, onun başına gələnlərin mükafatı olardı. O zaman o bilərdi ki, hələ hər şey itirilməmişdir. O zaman o daha heç kimin və heç nəyin dərdini çəkməzdi.