— Bilmirəm, – dedim. – Yəqin ki, qarışqa yuvasında yır-yığış eləyib, qış ehtiyatlarına əl gəzdirirlər. Axı qarışqalar zəhmətkeş varlıqdı.
— Onda niyə bu qədər zəhmətkeş varlıq olan qarışqalar hələ də qarışqa olaraq qalıb?
— Bilmirəm. Bəlkə də, onların quruluşu meymunlarınkı kimi, təkamülə uyğun deyil.
— Mən heç bilməzdim ki, sən bu qədər çox şeyi bilməyəsən. – Midori təəccübləndi. – Mənə həmişə elə gəlirdi ki, Vatanabe dünyanın altını da, üstünü də bilir.
— Axı dünya çox böyükdü, – dedim.
— Hə, dağları çox uca, dənizləri çox dərindi, – Midori köksünü ötürdü.