Cəlil Məmmədquluzadə (1869-1932) XX əsr Azərbaycan ədəbiyyatının ən qüdrətli nümayəndələrindən biri böyük yazıçı, publisist, mütəfəkkir və ictimai xadim Cəlil Məmmədquluzdədir. Mirzə Cəlil” məşhur “Molla Nəsrəddin” jurnalının redaktoru, tənqidi-realist üslubun və mollanəsrəddin hərəkatının başçısı olmuşdur. "Poçt qutusu" hekayəsi - Məmmədquluzadənin ilk mətbu hekayəsidir. 1903 ildə qələmə alınıb. Əsəri Məhəmməd ağa Şahtaxtlı "Şərqi-Rus" qəzetinin 1904 il 16 və 18 yanvar tarixli saylarında dərc etmişdir. Hələ o vaxt müəllifinə diqqət oyadan bu hekayə həm də milli realizmin tarixində mərhələvi rol oynamış, milli nəsrin intişarına böyük təsir göstərmişdir. Sonralar çağdaş Azərbaycan nasirlərini nəzərdə tutaraq yazıçı Mir Cəlal obrazlı şəkildə: "Biz "Poçt qutusu"ndan çıxmışıq" deyir.
